Оқуға түсу

1-қадам
Жеке кабинет ашыңыз

https://admissions.nu.edu.kz/ порталында «Тіркелу» бөлімшесін басып, тіркелу терезесінде қажет ақпаратты ағылшын тілінде енгізіңіз. «Академиялық дәреже» бөлімінде «Бакалавриат» бағдарламасын таңдау кажет.

Тіркелуді аяқтағаннан кейін, Сіздің электрондық поштаңызға жіберілген авторизация сілтемесі арқылы тіркелуді растаңыз.

Жеке кабинетіңізде тіркелу нұсқаулығымен міндетті түрде танысып өтіңіз.



2-қадам
Тіркеу жарнасын төлеңіз
Тіркелу жарнасы онлайн жасауға арналған төлеу банк картасы арқылы Жеке кабинетте «My Application Forms» бөлімінде төленеді.
Тіркелу жарнасы 3 000 теңгені құрайды.
Банк картасы болмаған жағдайда, талапкердің басқа адамның картасын пайдалануына болады. Талапкер конкурсқа қатысудан бас тартса, тіркелу жарнасының сомасы қайтарылмайды.

3-қадам

Аппликациялық нысанды толтырыңыз
Жеке кабинеттің «My Application Forms» бөлімінде Foundation Program сілтемесін ашыңыз. Foundation Application Form сауалнама нысанын онлайн толтырыңыз және онлайн нысанға сәйкес дербес деректерді өңдеуге келісімін беріңіз. Сауалнаманың барлық сұрақтарына жауап бергеннен кейін, берілген жеке ақпаратты тексеріп, «Upload» батырмасын басыңыз.
4-қадам
Қажетті құжаттарды жүктеңіз
Сауалнама нысанын толтырғаннан кейін, Жеке кабинеттің «My Application Forms» бөлімінде мына құжаттарды жүктеу қажет:
  1. Оқу орнынан берілетін фотоңыз бар анықтаманың сканерленген көшірмесі (3 тілде ұсынылған үлгілердің біреуін таңдаңыз) немесе бар болса қосымшасы бар аттестат/дипломның нотариалды куәләндірілген сканерленген көшірмесі. Маңызды: қабылдау емтиханын тапсыру үшін талапкерде паспорт немесе жеке куәлік міндетті түрде болу керек;
  2. Жеке куәлік және/немесе паспорт.
Жеке кабинеттің профиліне құжаттарға арналған 3*4 форматындағы фотоны жүктеңіз.
Қажетті құжаттардың форматы Жеке кабинетте орналасқан.

5-қадам
Тіркеу процесін аяқтаңыз

Жоғарыда көрсетілген іс-әрекеттер жасалғаннан кейін, міндетті түрде «SUBMIT APPLICATION» батырмасын басыңыз. Сол жағдайда ғана тіркелу толығымен аяқталады.
Тіркелу аяқталғаннан кейін сауалнама нысанына өзгерістер енгізу және жүктелген құжаттарды ауыстыру мүмкін емес.
Студенттерді оқуға қабылдау департаментінің қызметкерлері сіздің өтініміңізі бен құжаттарыңызды тексереді және, қажет болған жағдайда, сізге электрондық поштаңызға қандай құжаттарды және қай күнге дейін түзету керектігін хабарлайды. Толық емес және қателері бар өтінімдер конкурста қарастырылмайды.


6-қадам
IELTS/TOEFL/Linguaskill сертификатын ұсыну
алапкерлер IELTS/ TOEFL сертификаттарын тапсыру үшін келесі талаптарды орындау қажет:
  1. IELTS/TOEFL жарамды сертификаттың ресми электрондық нұсқасы Тест әкімшісімен тікелей Назарбаев Университетіне жіберуі қажет;
  2. Сертификаттың сканерленген көшірмесін жүктеу және оның деректерін Жеке кабинеттің “Upload IELTS/TOEFL results” бөліміне енгізу қажет. Конкурсқа қатысу үшін сертификаттың кез-келген санын тапсыруға болады, бірақ іріктеуде Жеке кабинетке соңғы болып жүктелген сертификат қарастырылады.
Талапкерлер Linguaskill нәтижелерін тапсыру үшін келесі талаптарды орындау қажет:
  1. UStudy арқылы нәтижелерді Назарбаев Университетіне жіберу;
  2. Нәтижелерді Жеке кабинетке жүктеу. Конкурсқа қатысу үшін сертификаттың кез-келген санын тапсыруға болады, бірақ іріктеуде Жеке кабинетке соңғы болып жүктелген сертификат қарастырылады.
Тест нәтижелерін тапсыру - үшін кодтар туралы маңызды ақпаратқа назар аударыңыз:
IELTS үшін код: Nazarbayev University
TOEFL iBT үшін код: 6762
Linguaskill үшін код: Nazarbayev University
Талапкерлердің Жеке кабинетінде IELTS/TOEFL сертификатын тапсыру бойынша толық Нұсқаулықты оқыңыз.
  • Тілдік тесттер нәтижелерінің ең төмен талаптарымен “Қабылдау емтихандары және талаптары” бөлімінде танысуға болады.
  • TOEFL iBT Home Edition және TOEFL PDT нәтижелері конкурста қарастырылмайды;
  • Тапсырылатын сертификаттар тиісті оқу жылының басы, яғни 2022 жылдың 1 тамызына дейін жарамды болу керек.
  • IELTS/TOEFL/Linguaskill сертификаттарын ұсыну соңғы мерзімі “Маңызды күндер” бөлімінде көрсетілген.
IELTS/TOEFL сертификаттарының Назарбаев Университетінің электрондық базасына енгізу Университет құзыретіне кірмейді. Сіз Тест орталығына өзіңіз хабарласып, кажетті сертификаттың жіберілгендігіне көз жеткізуіңіз қажет. Бұл әрекет кем дегенде 7-10 жұмыс күнін алатынын ескертеміз. Егер сертификат Студенттерді оқуға қабылдау департаменті белгілеген мерзімінен кеш келсе, ол конкурста қарастырылмайды.


Бұдан арғы әрекеттер

Емтиханнан 1-2 апта бұрын өз email-іңізді үнемі тексеріп отырыңыз. Емтихан өтетін күн, уақыты және орны туралы барлық ақпарат емтиханды өткізу қағидаларымен бірге сіз көрсеткен email-ге жіберіледі.
Есіңізде болсын, кейде университеттің хаттары Спам папкасына түсуі мүмкін.
Егер сізде тіркеу процесінде қандай да бір қиындықтар болса, email-ді мына мекенжайға жіберіңіз: info_admissions@nu.edu.kz Өз ЖСН (ҚР азаматтары үшін) мен сізге берілген үміткер нөмірін көрсетуді ұмытпаңыз.