Бағдарлар
Назарбаев Университетінің Университет алдындағы дайындық бағдарламасы (NUFYP) - студенттерге академиялық білім алуға және Назарбаев Университетінде бакалавриатта оқуды сәтті бастауға қажетті оқу дағдылары мен жауапкершілік деңгейін дамытуға көмектесу үшін әзірленген бір жылдық академиялық дайындық бағдарламасы. Студенттер өздерінің білім құзыреттерін кеңейтеді, оқу стратегияларын жетілдіреді және академиялық дағдыларын нығайтады. Сонымен қатар, олар этика қағидаттарын сақтау, уақытты басқару және мақсаттарға жетуге бағытталған шешімдер қабылдау сияқты маңызды өмірлік дағдыларды дамытады.
NUFYP бағдарламасында студенттер академиялық мақсаттарға арналған ағылшын тіліне,
математикаға және көшбасшылыққа баса назар аударады, бұл академиялық және жеке дамуға ықпал ететін болады.
Миссиясы
NUFYP миссиясы - ағылшын, математика және оқу дағдыларын меңгерген студенттердің НУ-да
бакалавриат бағдарламаларында оқуын сәтті жалғастыра алуы үшін оларды өз бетінше оқуға
дайындау.
NUFYP білім беру бағдарламасының нәтижелері
1) Тиісті деңгейдегі академиялық мәтіндерден, презентациялардан және топтық пікірталастардан дәлелдерді, болжамдарды және тұжырымдамаларды сыни тұрғыдан талдау және бағалау.
2) Пікірлер мен идеяларды ауызша және жазбаша ағылшын тілінде анық және сыпайы түрде білдіру және қолдау.
3) Бакалавриат бағдарламасы бойынша оқуды бастауға жарамды сандық есептерді шешу.
4) Академиялық адалдықты сақтау және академиялық қолдауды сұрай білу.
5) Шешімдер қабылдау қағидаттарын қолдану және академиялық жоспарлар мен жеке мақсаттарға қол жеткізу үшін жұмыс уақытын ұйымдастыруды жүзеге асыру.
6) Тұлғааралық қарым-қатынас және көшбасшылық дағдыларды пайдалана отырып, командалық жобаларға қатысу.
Студенттерді қолдау
Жыл сайын NUFYP Студенттік кеңес ұйымдастырады, ол дайындық мектебінің басшылығына
консультация береді, студенттерді оқуға ынталандырады және көмектеседі, сондай-ақ әлеуметтік іс-шараларды ұйымдастырады.
NUFYP студенттеріне нақты тыңдаушының академиялық және жеке қажеттіліктеріне сәйкес НУ
кітапханасын, Спорт орталығын, медициналық консультацияларды, Мансап және кәсіптік бағдарлау орталығының ресурстарын пайдалану ұсынылады.
NUFYP-те студенттердің академиялық үлгерімін және НУ өміріне бейімделуін толық қолдау үшін ОПҚ және жұмыскерлермен бірлесіп жұмыс істейтін Студенттерге консультация беру жөніндегі аға оқытушы және Студенттердің мәселесі жөніндегі менеджер бар.
Бағдарламаның ұзақтығы бір академиялық жылды құрайды
Бағдарламаға түсу үшін не қажет?
- Орта мектепті бітіргені туралы диплом
- IELTS-әр секцияда 6.0 кемінде 5.0 немесе
- TOEFL iBT 60 (writing -16, reading- 6, speaking-15, listening-5)
- NUET тестінің нәтижелері
Бағдарлама аясында Назабаев Университетінің бакалавриат бағдарламаларына қарқынды дайындық жүргізілуде. Бағдарлама тұлғалық дамуға, оқыту дағдыларын дамытуға, математика мен академиялық ағылшын тілін меңгеруге бағытталған.
Көшбасшылық курсының сипаттамасы
Мұнда сіз «Көшбасшылық негіздері» курсының сипаттамасын жүктей аласыз.
«Көшбасшылық негіздері» курсының оқу нәтижелері
Семестр аяқталғаннан кейін студенттер:
● Қысқаша түйіндеме немесе пікір жазу, сондай-ақ сыныптағы талқылауларға қатысу арқылы түсінгенін көрсете отырып, мақалалар мен мәтіндерге талдау жасау.
● Оқу тапсырмаларында және оқытушылармен өзара әрекеттесуде ағылшын тіліндегі жазбаша және ауызша қарым-қатынас түрлерін тиімді пайдалану.
● Академиялық адалдық қағидаттарын сақтау.
● Оқу және сабақтан тыс іс-шараларды жоспарлау, сабақ кестесін басқару және тапсырмаларды тапсыру мерзімдерін сақтау үшін уақытты басқару құралын таңдау және пайдалану.
● Академиялық және жеке дамуды құжаттайтын рефлексивті күнделікті жүргізу.
● Академиялық және жеке қолдау үшін қайда және қалай көмек алу керектігін білу қабілеттеріне ие болады.
Оқыту және бағалау
Оқытуға шолу
«Көшбасшылық негіздері» курсы студенттерге Университеттің жетістікке жеткен студенттері болуға көмектесетін және болашақ өмір мен кәсіби қызметке дайындайтын негізгі жеке және академиялық дағдыларды қалыптастыруға арналғанкурс. Курстың құрылымы оқытудың барлық кезеңдерінде мұқият бақылау мен бағалауды қамтамасыз ете отырып, теориялық түсінікті де, практикалық тәжірибені де дамытуға бағытталған. Оқыту әдістемесі – кешенді білім беру процесін қамтамасыз ететін төңкерілген оқыту, дәрістер мен семинарлардың үйлесімі. Төңкерілген оқыту мен дәрістер студенттерді негізгі ұғымдармен, теориялармен және модельдермен таныстыруға, көшбасшылық пен академиялық өсуді зерттеуге қажетті берік академиялық базаны құруға арналған. Семинарлар, керісінше, студенттердің жетістігі үшін маңызды академиялық және көшбасшылық құзыреттіліктерді
дамытуға бағытталған интерактивті және практикалық сипатқа ие. Семинар барысында студенттер шағын топтардағы талқылауларға, кейс-стадиді талдауға, презентацияларға және олардың академиялық және көшбасшылық дағдыларын нығайтуға ықпал ететін басқа да қызмет түрлеріне қатысады. Академиялық адалдық курстың маңызды құрамдас бөлігі болып табылады және біз студенттердің оқуы мен жобаларында адалдықтың, жауапкершіліктің және этикалық мінез-құлықтың маңыздылығын түсінуін қамтамасыз етеміз.
Бағалауға шолу
Курс шеңберіндегі бағалау оқытуға жан-жақты көзқарасты қамтамасыз ете отырып, теориялық білімдіде, практикалық дағдыларды да кешенді тексеруге бағытталған.
Жобалау жұмыстары: Курс аясында студенттер қоғамдағы әлеуметтік мәселелерді шешуге бағытталған жобалармен жұмыс істейді. Осы жобаларға көбінесе білім беру орталықтары, баспаналар, емханалар және балалар үйлері сияқты сыртқы ұйымдармен ынтымақтастық кіреді, онда студенттер қайырымдылық акцияларын ұйымдастыру, хабардарлықты арттыру және практикалық көмек көрсету сияқты іс-шараларға қатысады. Көшбасшылықты іс жүзінде қолдану қоғамға пайда әкеліп қана қоймайды, сонымен қатар студенттерге сыни ойлауды, проблемаларды шешу дағдыларын және топтық жұмысты дамытуға мүмкіндік береді.
Сарапшылармен сұхбат: Жобалармен жұмыс жасау барысында студенттер әр түрлі саладағы таңдалған сарапшылармен сұхбат жүргізуге мүмкіндік алады. Бұл сұхбаттар әртүрлі стильдер және көшбасшылық тәжірибесі туралы құнды ақпарат береді, студенттерге курс тұжырымдамаларын нақты көшбасшылық тәжірибесімен байланыстыруға мүмкіндік береді. Кәсіби мамандармен байланыс студенттерге байланыс желісін кеңейтуге және олардың қызығушылық танытқан салаларындағы қиындықтар мен мүмкіндіктерді тереңірек түсінуге мүмкіндік береді.
Қонақ дәрістері: Курс барысында көшбасшылық жөніндегі оқытушылардың қолдауымен студенттер сала мамандары мен көшбасшылық саласындағы сарапшылар өткізетін әртүрлі қонақ дәрістерін ұйымдастырады. Бұл дәрістерде сөз сөйлеу курстың теориялық материалдарын толықтыра отырып, әртүрлі перспективалар мен практикалық білімге жетелейді. Қонақ дәрістері студенттерге әртүрлі мәнмәтіндер мен салалардағы көшбасшылықты жақсырақ түсінуге көмектеседі, курс материалын практикалық қолданбалармен байланыстырады. Олар сондай-ақ көшбасшылықты дамытуға
шабыттандыратын сұрақтар, кеңестер алу және кәсіпқойлармен байланысу үшін платформа ұсынады.
Объектілерге бару: Студенттер жақсартуды қажет ететін ортада тікелей тәжірибе алу үшін білім беру
және қоғамдық орталықтар, емханалар, паналайтын орындар және басқалар сияқты тиісті объектілерге баруға шақырылады. Бұл сапарлар студенттерге өз жобаларын мәнмәтіндеуге және өз жұмысының әсерін жақсы түсінуге көмектеседі. Сонымен қатар, мұндай сапарлар көшбасшылықтың практикалық қолданылуын байқауға және көшбасшы ретінде өз дамуын ойлауға бірегей мүмкіндік береді.
Түсірілім арқылы көпшілік алдында сөз сөйлеу тәжірибесі: Жобалар барысында көшбасшылық жөніндегі оқытушылардың қолдауымен студенттер өз презентацияларын түсіру жұмысын істейді. Бұл жұмыс оларға әртүрлі технологияларды қолдана отырып, камера алдында көпшілік алдында сөйлеуге және қарым-қатынас пен презентация дағдыларын жетілдіруге мүмкіндік береді. Презентациялар өткізу және өз жазбаларын талдау/өңдеу мүмкіндігі студенттерге сөйлеуді, техникалық дағдыларды
сыни тұрғыдан бағалауға және жақсартуға көмектеседі, олардың көпшілік алдында сөз сөйлей алатын шешен ретіндегі сенімділігі мен тиімділігін арттырады.
Бұл практикалық оқыту мүмкіндіктері студенттерге өз білімдерін қолдануға, көшбасшылық құзыреттіліктерін дамытуға және қоғамға оң әсер етуге мүмкіндік беретін курстың ажырамас бөлігі болып табылады. Осы іс-шараларға қатысу арқылы студенттер академиялық дайындықты толықтыратын және болашақ академиялық жетістіктерге және көшбасшылық рөлдерге дайындайтын практикалық тәжірибе алады.
НУ 2019 жылдан бастап «BALEAP»-тің институционалдық мүшесі болып табылады. НУ-дың Университет алдындағы дайындық бағдарламасының «Академиялық мақсаттарға арналған ағылшын тілі» курсы алғаш рет қауымдастықпен 2020 жылдың ақпанында аккредиттелген. Айта кету керек, НУ осы аккредиттеуді алған ТМД елдеріндегі алғашқы университет болды, бұл Дайындық мектебінің Университет алдындағы дайындық бағдарламасының жоғары сапасын растайды.
Курстың мазмұны
Мұнда сіз EAP курсының мазмұнын жүктей аласыз.
Академиялық жазылым
FEAP 020 Академиялық жазылым бағдарламасының мақсаты – бакалавриат талаптарына сәйкес студенттерді академиялық жазылымға дайындау. Екінші семестрде алынған негізгі дағдыларға академиялық конвенцияларды қолдана отырып, аргументтерді қалыптастыру және білдіру жатады.
Академиялық жазылымды оқыту нәтижелері
Білу және түсіну
Академиялық жазылым (FEAP 020) курсын сәтті аяқтағаннан кейін студенттер:
- Академиялық адалдықты, атап айтқанда плагиат пен авторлық құқыққа қатысты адалдықты.
- Академиялық дәлелдерді әзірлеуді және жазуды білетін және түсінетін болады.
Академиялық дағдылар
Академиялық жазылым (FEAP 020) курсын сәтті аяқтағаннан кейін студенттер келесі дағдыларды жүзеге асыратын болады:
- Қажетті және қолайлы академиялық дереккөздерді табу.
- Нақты нұсқауларға сәйкес қайталама зерттеу жұмыстарын жоспарлау.
- Дереккөздерге сілтеме жасау жүйелерін сақтау және әдебиеттер тізімін жасау.
- Басқа адамдардың жұмысын өзгертіп айту және қысқаша баяндау.
- Дереккөздерді сыни тұрғыдан бағалау және олардың негізінде қорытынды жасау.
- Растайтын дәлел ретінде пайдалану үшін бірнеше көздерден алынған ақпаратты синтездеу.
- Академиялық конвенцияларға сәйкес дәлелдерді қалыптастыру және білдіру.
- Білімді, мамандандырылмаған аудиторияға мамандандырылған ақпаратты жазбаша түрде тиімді беру.
- Жазбаша жұмысты өзгерту үшін кері байланысты тиімді пайдалану.
- Зерттеу жобасында өз бетінше жұмыс істеу;
- Академиялық дәлелдерді ұсыну үшін тиісті лексика мен грамматикалық құрылымдарды қолдану.
Академиялық оқылым
FEAP 020 Академиялық оқылым бағдарламасының мақсаты – бакалавриат талаптарына сәйкес студенттерді академиялық оқылымға дайындау. Екінші семестрде алынған негізгі дағдыларға автордың тонын анықтау және қорытынды жасау мүмкіндігі, сондай-ақ мәтінді сыни бағалау кіреді.
Академиялық оқылымды оқыту нәтижелері
Білу және түсіну
Академиялық оқылым (FEAP 020) курсын сәтті аяқтағаннан кейін студенттер:
- Әртүрлі мақсаттарда алуан түрлі мәтіндерді оқуға арналған бірқатар оқу стратегияларын.
- Еркіндіктің дәрежеде оқуға мүмкіндік беретін академиялық оқылымға арналған ауқымды сөз байлығын білетін және түсінетін болады.
Академиялық дағдылар
Академиялық оқылым (FEAP 020) курсын сәтті аяқтағаннан кейін студенттер келесі дағдыларды жүзеге асыратын болады:
- Мәтіннің көлемін және оның мағынасын түсіну үшін оқу материалдарын қарап шығу және сканерлеу.
- Автордың ниетін, болжамды аудиториясын және тонын анықтау.
- Шығарманы негіздеу үшін қолданылатын тезисін және ұйымдастыру әдістерін тану және түсіну.
- Мәтінде келтірілген дәлелдерді сыни тұрғыдан бағалау.
- Мәтін негізінде жасалуы мүмкін сөйлемдер, дәйексөздер, мәтін бөлшектері мен тұжырымдар арасындағы байланыс туралы сұрақтарға жауап беру арқылы мәтінді түсінгенін көрсету.
- Мәтіндегі негізгі лексиканы анықтау және контекстегі лексиканың мағынасын анықтау әдістерін қолдану.
Академиялық тыңдалым және Ауызша сөйлеу
Академиялық тыңдалым және Ауызша сөйлеу (FEAR 020) бағдарламаның мақсаты – бакалавриат студенттеріне қажетті негізгі дағдыларды дамыту. Осы семестрде студенттер тыңдалым және жазылым жүргізу әдістеріне ерекше назар аударады, сонымен қатар зерттеу жұмысын ауызша қорғайды.
Академиялық тыңдалымды оқыту нәтижелері
Білу және түсіну
Академиялық тыңдалым (FEAP 020) курсын сәтті аяқтағаннан кейін студенттер негізгі білімге ие болады және:
- Мәтін түрлерінің кең ауқымынан ақпаратты тыңдау және оны жазу үшін бірқатар тыңдау және жазу әдістері.
- Әртүрлі бұқаралық ақпарат құралдары арқылы академиялық контексте ұсынылған идеяларды сыни тұрғыдан қалай талқылауға болатыны туралы түсінікке ие болады.
Академиялық дағдылар
Академиялық тыңдалым (FEAP 020) курсын сәтті аяқтағаннан кейін студенттер келесі дағдыларды жүзеге асыратын болады:
- Тыңдалым мәтіндердің мазмұнын болжау үшін жалпы білімді пайдалану.
- Академиялық контексттерде мәтінді тиімді түрде тыңдау, жазу және талдау.
- Лекция идеяларын логикалық дәйекті және мұқият құрастырылған жазбалар түрінде қысқаша баяндау және қайталау.
- Дәйексөздерді, анықтамаларды, екпіндерді және шегіністерді білдіретін дәріс тілін тану.
- Баяндамашының тонын тану және академиялық дәрістерде ұсынылған идеяларды сыни тұрғыдан бағалау.
- Болжамды хабарлама туралы қорытынды жасау үшін нақтылауды, сөз таңдауды және үндестікті қолдану.
- Академиялық ортада өз идеяларын тиімді жеткізу.
- Пікірталастар мен дебаттарды тиімді түрде жүргізу және оларға қатысу.
Viva зерттеу жобасы
Viva студенттерге өздерінің ғылыми жобаларын екі тәлімгермен егжей-тегжейлі талқылауға мүмкіндік береді. Алдымен студент өзінің ғылыми жобасының қысқаша мазмұнын үш-төрт минут ішінде ұсынады, содан кейін зерттеу процесі мен ғылыми жобасының мазмұнын 15 минуттық талқылауға қатысады.
Viva-ны оқыту нәтижелері
Білу және түсіну
Viva емтиханын сәтті аяқтағаннан кейін студенттер негізгі білімге ие болады және:
- Академиялық ортада өз жұмысын қалай сипаттауға болатыны.
- Өз жұмысы туралы академиялық пікірталасқа қалай қатысуға болатыны туралы түсінікке ие болады.
Академиялық дағдылар
Viva емтиханын сәтті аяқтағаннан кейін студенттер келесі дағдыларды жүзеге асыратын болады:
- Академиялық конвенцияларды сақтай отырып, академиялық жобаның қысқаша ауызша баяндамасын беру.
- Дәлелдерді негіздеу үшін дереккөздерден алынған дәлелдемелерді қысқаша баяндау және қайталау.
- Академиялық дәлелдерді жеткізу үшін тиісті лексиканы, айтылу ерекшеліктерін және грамматикалық құрылымдарды қолдану.
- Сұрақтарға сауатты жауап беру арқылы өз зерттеулерін, көздерді және зерттеу процесін түсінгенін көрсете білу.
- Академиялық конвенцияларды сақтай отырып, дереккөздерге сілтеме жасау.
Математика бойынша оқыту нәтижелері:
- Полиноминалдық, рационалдық, экспоненциалдық және логарифмдік функциялардың графиктерін анықтау және түрлендіру.
- Графикалық түрлендірулерді қолдану.
- Полиноминалдық және рационалдық функциялар графиктерінің нақты эскиздерін жасау.
- Шектерді, туындыларды және интегралдарды есептеу.
- Әр түрлі тізбектер мен қатарларды анықтау және олармен жұмыс жасау.
- Тригонометриялық функциялардың графиктерін тану, түрлендіру және өзгерту, тригонометриялық теңдеулерді шешу.
- Кешенді сандар және векторлармен операцияларды орындау.
- Сызықтық теңдеулер жүйесін шешу үшін матрицалық манипуляцияның әртүрлі әдістерін қолдану.
- Әр түрлі формада берілген мәліметтер негізінде статистикалық көрсеткіштерді есептеу және түсіндіру.
- Ықтималдық есептерін тиісті ұғымдар мен ықтималдық үлестірімдерін қолдана отырып шешу.
- Тиісті математикалық дағдылар мен стратегияларды қолдану арқылы қолданбалы есептерді шешу.
- Курстың лексикасын қолдана отырып, ағылшын тілінде әртүрлі математикалық идеялар мен ұғымдарды білдіру.
Оқу және оқыту, бағалау
Студенттер күн сайын математика сабақтарына қатысады. Дүйсенбі мен сәрсенбіде дәрістер өткізіледі. Дәрістерден кейін сейсенбі және бейсенбі күндері шағын топтарда семинарлар өтеді, онда студенттер оқытушымен сұрақтарды талқылап, мәселелерді шешуге машықтана алады. Әр жұма сайын студенттер бір апта ішінде алған білімдерін тексеру үшін тест тапсырады. Қосымша көмекке мұқтаж студенттерге консультациялар, жеке консультациялар және шеберлік сабақтары арқылы математикадан қолдау көрсетуді сұрау ұсынылады. Күзгі семестрде студенттер үш емтихан тапсырады және апта сайын сынақтардан өтеді, ал көктемгі семестрде екі емтихан мен апта сайынғы сынақтардан өтеді.