Оқуға түсу
NUET (NU Entrance Test) – Назарбаев Университетінде білім алу үшін талапкердің академиялық дайындық деңгейін анықтайтын тест.
- Талапкердің «Математика» және «Сыни тұрғыдан ойлау және мәселелерді шешу дағдылары» пәндері бойынша білімі бағаланады.
- Сұрақтар саны – 60.
- Тест мазмұны – бірнеше жауап нұсқалары бар сұрақтар.
- Тест ұзақтығы – 120 минут. Ең төменгі өту балы – 120, бұған қоса әр пәннен ең төменгі өту балы – 50. Мысалы: 50 балл + 70 балл = 120 балл - жалпы өту балын алу үшін пәндер бойынша балдардың ең төменгі қосындысы.
- Талапкер Foundation бағдарламасына және «NUET талапкерлері» категориясы бойынша бакалавриат бағдарламасына өтінімдерді берген жағдайда, тестке бір рет шақырылады және тестті 1 рет қана тапсырады. Сондықтан екі бағдарлама бойынша өтінім беру нысандарында тест тапсыру қаласы бірдей болуы қажет. Foundation және бакалавриат бағдарламаларының Қабылдау комиссиялары бір емтихан нәтижесін қарастырады.
- Емтихан нәтижесі 6 аптадан кейін Жеке кабинетте орналасады.
- Емтиханға кіру рұқсаты туралы ақпарат талапкердің Жеке кабинетінде орналасады.
- Емтиханға шамамен 5 күн қалғанда талапкердің электрондық поштасына емтиханның өтетін орны немесе форматы, уақыты, қажетті құжаттар мен емтихан ережелері туралы ақпарат жіберіледі.
- Емтихан кестесі «Маңызды күндер» бөлімінде жарияланған.
- Егер тестілеуден өту ережелері немесе шарттары бұзылған болса, талапкердің нәтижелері жойылады. Бұл жағдайда, талапкер конкурстан шығарылады. Конкурсқа қатысу құқығынан айырылған (дисквалификацияланған) талапкерлер болашақта НУ-ға оқуға түсе алмайды.
- Тест нәтижелері бойынша апелляция көзделмеген.
- NUET құны – 5 000 теңге.
Дайын жауаптары бар емтихан буклеттерінің үлгілері: