Cambridge Assessment Admissions Testing сұхбат

Дайындық зерттеулер орталығы Аға басқару тобы 2022 жылдың маусым айында Cambridge Assessment Testing өкілдерімен бірқатар нәтижелі кездесулер өткізді.

Бізде Andy Chamberlain, Cambridge Assessment Admissions Testing басшысына қызықты сұрақтар қоюдың бірегей мүмкіндігі болды. 

CAAT дегеніміз не? Оның миссиясы қандай?
Cambridge Assessment Admissions Testing (CAAT) – Cambridge University Press and Assessment, Кембридж университетінің оқытумен айналыспайтын департаментіне жатады.
Біздің пайымдауымыз – дағдылар мен қабілеттерді тест арқылы анықтап, бүкіл әлем бойынша білім беру және жұмыспен қамту саласындағы мүмкіндіктерге әділ қол жеткізуді қамтамасыз ету.

NUET сияқты қабылдау емтихандарын өткізудің қандай кезеңдері бар?
Кіріспе сынақтарды әзірлеуде ең бастысы – серіктестеріміздің мән-жайлары мен талаптарын түсіну. Біз Назарбаев Университетімен 7 жылдан бері жұмыс істеп келеміз, негізгі талаптар өзгермегенімен, біз тестілерді құрастыру және ұсыну үшін НУ қажеттіліктері жайлы түсінікті дамытып, жетілдіреміз.

Тест форматын келіскен соң біз элементтердің (сұрақтардың) сыртқы авторларына біздің ерекшелікке сәйкес тест элементтерін ұсынуды тапсырамыз. Біздің әр пән бойынша ішкі сарапшыларымыз тестілерді қарап, редакциялау процесін бақылайды. Болатын емтихан тестілерінің элементтерін аяқтау үшін ол кейде 2 немесе 3 кезеңде өтеді.
Сонымен қатар біз серіктестерімізбен НУ-да тестіні қалай өткізетініміз жайлы кеңесеміз. Бұған тестілеудің өткізілетін күндері мен уақыты, өткізілетін орындары және тестілеу күні үміткерлерге берілетін нұсқаулар кіреді. Біз сондай-ақ тест орталығының бақылаушылары мен қызметкерлерін оқытуға көмектесу үшін, әсіресе өткен жылдан бері өзгерген нәрселерге қатысты НУ-мен жұмыс жасаймыз.
Тест өткен соң біз оларды бағалаймыз және қорытындыларды НУ-да жариялау үшін талдаймыз. Сондай-ақ, оларды келесі кезеңде қалай жақсартуға болатындығын айтамыз. Содан кейін цикл қайтадан басталады.

Қысқаша айтқанда, сізден NUET-ке қалай дайындалу керектігін сұрайтын үміткерге не айтар едіңіз?
 
Қосымша ретте, мен сізге оларды қалай тез орындау керектігі жайлы түсінігіңіз болу үшін аз уақытта бірнеше практикалық тапсырмаларды орындап көріңіз дер едім. NUET-те теріс белгі жоқ екенін ескеріңіз, сондықтан егер сізге берілген сұраққа жауап беру қиынға соқса, келесі сұраққа көшіңіз, соңында уақытыңыз қалса, сол сұраққа қайта оралыңыз.

Емтихан күні тосынсыйлар болмасын десеңіз, тест барысында туындауы мүмкін сұрақтардың түрлері туралы түсінігіңіз болу үшін тест мазмұнымен танысу өте маңызды.

Сонымен қатар, уақыт тапшылығы жағдайында бірнеше практикалық сұрақтарға жауап беруге тырысыңыз, осылайша сіз оларды қаншалықты жылдам орындай алатындығыңызды білесіз. NUET дұрыс емес жауап үшін балдарды кемітпейтінін ескеріңіз. Сондықтан, егер сізге берілген сұраққа жауап беру қиынға соқса, келесі сұраққа көшіңіз, соңында уақытыңыз қалса, сол сұраққа қайта оралыңыз.



Қазақстандағы жұмыс сіздің басқа елдердегі жұмысыңыздан несімен ерекшеленеді?

Біріншіден, көптеген ұқсастықтар бар. Біз тестілерге зор мән береміз, сондықтан міндеттерімізге де байсалдылықпен қараймыз. Біздің серіктестерімізбен, ал Қазақстан жағдайында бұл НУ Дайындық мектебіндегі командамен қарым-қатынас жасауымыз – міндетті шарт. Жақсартуға болатын нәрсені көру үшін әр тестіні алдын ала жоспарлау және кейіннен тексеру қажет, бұл Ұлыбритания, Австралия, Нидерланды және т.б. мүдделі тараптар арасында қайталанады. Әрине, біз қай жерде жұмыс істесек те, Қазақстандағыдай суық болған жоқ.

НУ-мен серіктестіктің ең қызықты және/немесе пайдалы аспектісі қандай?

Менің ойымша, біздің НУ-мен жұмысымыздың ең пайдалы бөлігі – олардың көрсететін ықпалы. Олардың НУ-ға өз үміткерлерін әділ әрі ашық түрде іріктеуге қалай көмектесетіні. Сондай-ақ, барлық қиын жұмыс, жоспарлау мен тексерудің үлкен мәні бар екенін білген дұрыс.
 
Сондай-ақ, бірнеше жыл бойы Назарбаев Университеті Дайындық мектебінің командасымен қарым-қатынасты дамыту өте пайдалы болды.
 
Жеке көзқарас тұрғысынан Қазақстанға келу, оның мәдениетімен (мысалы, Ұлттық мұражайға бару мүмкіндігі) және ұлттық тағамымен танысу мүмкіндігі нағыз оқиғаға айналды. Мен әріптестеріміздің жұмыс бабындағы қарым-қатынастарды, сондай-ақ Қазақстанның әртүрлі қалаларына бару мүмкіндігін өте бағалайтынын білемін.