2023-2024 академиялық жылына Назарбаев Университетінің Университет алдындағы дайындық бағдарламасына (NUFYP) конкурсқа қатысуға онлайн өтінімдерді қабылдау басталды
Назарбаев Университеті 2023-2024 академиялық оқу жылына Университет алдындағы дайындық бағдарламасына онлайн өтінімдерді қабылдаудың ашылғандығын және оның 2022 жылғы 25 қыркүйек пен 30 қараша (Нұр-Сұлтан қ. уақыты бойынша сағат 23:59 дейін) аралығында қолжетімді болатындығын хабарлайды.
Конкурсқа қатысу үшін талапкер келесі қадамдарды орындауы қажет: 1. www.admissions.nu.edu.kz порталында тіркеліп, Жеке кабинетті ашу; 2. Тіркелу жарнасын төлеу (тіркеу жарнасының сомасы қайтарылмайды); Тіркелу жарнасы Жеке кабинеттегі «My Application Forms» бөлімінде банк картасы арқылы онлайн түрде жүзеге асырылады; 3. Сауаланама нысанын толтыру және қажетті құжаттарды жүктеу: Жеке куәліктің және/немесе төлқұжаттың сканерленген көшірмесі; Оқу орнынан берілген анықтаманың (Жеке кабинеттегі үлгіге сәйкес) немесе қосымшасы бар аттестат/дипломның нотариалды куәландырылған (бар болған жағдайда) сканерленген көшірмесі; 4.“Submit application” батырмасын басу арқылы өтінімді жіберу. Бұдан кейін сауалнама нысанына өзгерістер енгізілмейді. 5. Электронды IELTS/TOEFL/Linguaskill нәтижелерін тікелей Тест әкімшісінен және сертификаттың сканерленген көшірмесін Жеке кабинеттегі («Upload IELTS/TOEFL results» бөліміндегі) функционал арқылы ұсыну. IELTS үшін код: Nazarbayev University TOEFL үшін код: 6762 Linguaskill үшін код: Nazarbayev University *Конкурста Тест Орталығында тікелей қатысу арқылы (қашықтықтан емес) тапсырылған IELTS/TOEFL/Linguaskill тест нәтижелері қарастырылатынын ескеріңіз.
Келесі қадамдар: Сауалнама нысанында көрсеткен электронды поштаңызды, сонымен қатар, өтініміңіздің статусын білу үшін Жеке кабинетіңізді тексеріңіз. Тіркелу кезінде сұрақтар пайда болған жағдайда info_admissions@nu.edu.kz электрондық поштасына ЖСН (ҚР азаматтары үшін) мен әрбір талапкерге берілетін Жеке кабинеттегі Applicant ID нөмірін көрсете отырып, хат жіберуіңізді сұраймыз. Бірінші кезеңнен сәтті өткен талапкерлер қабылдау емтиханына шақырылады. Конкурстық іріктеу мен талаптар туралы толық ақпарат осы сілтемеде қолжетімді.