Дайындық мектебінің Университет алдындағы дайындық бағдарламасы (NUFYP) Baleap сарапшыларының ұзақ және жедел консультациясы мен бақылауынан өткеннен кейін академиялық мақсаттардағы ағылшын тілі курсын толық аккредиттеді. Назарбаев Университеті осы беделге ие болған, Ұлыбританиядан тыс орналасқан екі университеттің бірі ғана. НУ Times Higher Education әлемдік университеттер рейтингінің бірінші жүздігінің тізіміндегі 10 университетті қамтитын, 30 таңдаулы университеттер тізіміне қосылды.
BALEAP - ағылшын тілі саласындағы кәсіпқойлардың жаһандық қауымдастығы. Оның мақсаты - аккредиттеу бағдарламаларын ұсыну арқылы академиялық мақсаттағы ағылшын тілін оқыту мен үйрену сапасын жақсарту. Аккредиттеу үшін курстың өзі, шарттары, сондай-ақ оқыту әдістері студенттерге ең жақсы оқу тәжірибесін ұсыну үшін ең жоғары стандарттарға сәйкес келуі тиіс.
Кәсіби қолдау көрсетуден және оқу мен оқытудың жоғары деңгейін қамтамасыз етуден басқа, BALEAP аккредиттеудің басқа да тікелей артықшылықтары бар. Мысал ретінде, Dundee University NUFYP курсынан сәтті өткен студенттерді әрі қарай тестілеуді қажет етпестен тікелей қабылдайды. Бұл Ұлыбританияның басқа университеттеріне де үлгі болады деп күтілуде.
Қазіргі уақытта NUFYP бағдарламасында бакалавриат бағдарламаларында әрі қарай оқуға дайын 600-ге жуық студент бар. NUFYP студенттерді ағылшын тілінде жүргізілетін бакалавриатта оқудың қиын жағдайларына дайындайды. Студенттер сонымен қатар математика және көшбасшылық негіздері бойынша курстардан өтеді.
Дайындық мектебі болашақ даму бағыттарын жоспарлауды жалғастыруда. Академиялық ағылшын тілін оқытуда халықаралық бедел мен танымалдыққа ие болған Мектеп бүкіл өңір бойынша студенттерді даярлаудың үздік бағдарламасын ұсынуды жоспарлап отыр.