Құрметті талапкерлер! Техникалық қиындықтарға байланысты Назарбаев Университетінің (NUET) алдағы түсу емтиханы қағаз тест форматында өткізілетінін хабарлаймыз. Назарбаев Университетінің университет алдындағы дайындық бағдарламасына (NUFYP) түсетін үміткерлерге және Назарбаев Университетінің бакалавриат бағдарламаларына тікелей түсетін үміткерлерге арналған түсу емтиханы 2022 жылдың ақпан айының соңы мен наурыз айының басы аралығында Қазақстанның әрбір өңірінде өткізіледі. Емтиханның өтетін күндері, орны және уақыты туралы толығырақ ақпарат, сондай-ақ дайындық үшін материалдар жақын арада қолжетімді болады. Өзекті ақпаратты алу үшін біздің сайттағы жаңалықтарды оқып отырыңыздар.